യേശുവേയെൻ പ്രാണനാഥാ
നിന്തിരുകൃപകളേകി
ഈ മരുവിടത്തിലെന്നെ
കാത്തു കൊൾകെൻ പ്രിയനേ
രോഗം വരും വേളകളിൽ
സ്നേഹനാഥൻ തൃക്കരത്താൽ
താങ്ങിത്തലോടുന്നു മമ
ഖേദം ശമിച്ചിടുന്നു
ജീവനാഥനേശുവെന്നെ
കാത്തുപരിപാലിക്കുന്നു
സ്നേഹപൂർവ്വം തൻകരത്താൽ
താങ്ങി നടത്തിടുന്നു
ജീവകാലം നിൻകൃപക-
ളോർത്തു വസിച്ചിടുന്നു ഞാൻ
ലോകത്തിൽ ഞാനേകനല്ല
യേശുവെന്നാത്മമിത്രം
സ്തോത്രഗീതം പാടി മുദാ
വാഴ്ത്തി സ്തുതിച്ചിടുന്നു ഞാൻ
സ്തോത്രസ്തുതികൾക്കു യോഗ്യൻ
നീതാനെന്നാശ്രയമാം
വിശ്രമദേശത്തിലീ ഞാനെ-
ത്തിച്ചേരും നാൾ വരെയും
ഭദ്രമായി തൃക്കരത്താൽ നിത്യം
നടത്തേണമേ.
