യേശുവിൻ നാമം ശാശ്വതനാമം
ക്ലേശമശേഷവും നീക്കും നാമം
വിശ്വസിക്കുന്നവർ നാം ആശ്രയിക്കുന്നതും
ആനന്ദിക്കുന്നതും ആശ്വസിക്കുന്നതുമായ നാമം
അനുദിനം പുകഴ്ത്തുക നാം അ അ
ചിന്മയനാമം നൻമയിൻ ധാമം
കന്മഷക്കൂരിരുളിൻ വിരാമം
മന്നിലിതിന്നു സമം ഉന്നതമാമംഗീകൃത നാമം
അന്യമില്ലെന്നതു നിർണ്ണയമാം
അനുദിനം പുകഴ്ത്തുക നാം അ അ
തൻതിരുനാമം എന്തഭിരാമം
ആതുരർക്കാനന്ദമാം വിശ്രാമം
ഭക്തരിന്നുൾപ്രേമം വൻതിരയേറും സിന്ധുവാം ലോകം
താണ്ടുവതിന്നുതകുന്ന നാമം
അനുദിനം പുകഴ്ത്തുക നാം അ അ
ഏതൊരു നാവും യേശുവിൻ നാമം
ഓതിടും നാൾവരുന്നെന്തുകേമം
നിരുപമം നിസ്സീമം ആരുമവൻ തൃപ്പാദപ്രണാമം
ചെയ്തിടുമന്നഭിവന്ദ്യനാമം
അനുദിനം പുകഴ്ത്തുക നാം അ അ.
