നീയെൻ സ്വന്തമേ എന്താനന്ദമേ!
ജീവൻ തന്നൊരു നാഥാ എന്നുമേ!
അതിസുന്ദരൻ നീയെൻ നിത്യാനന്ദമേ
നിത്യാനന്ദമേ!
പാപത്തിൻ ഭാരമാകവേ നിൻമേൽ
കുരിശതിൽ ഞാൻ കണ്ടേ ഹാ കുരിശതിൽ
ഞാൻ കണ്ടേ! ആ ദിനം മുതലെന്നാധികളകന്നു കൈവന്നെനിക്കു ഭാഗ്യം
നീയെൻ സങ്കേതം ജീവന്റെ ബലവും
ഭയമെന്തിന്നീയുലകിൽ ഹാ ഭയമെന്തിന്നീയുലകിൽ?
കരുമനകളിലും കരുണയോടരികിൽ
കാണുന്ന തുണ നീയേഹാ!
ഈ ദിവ്യസ്നേഹം തന്നിൽ നിന്നെന്നെ
വേർതിരിപ്പാനാമോ ഹാ വേർതിരിപ്പാനാമോ?
ആപത്തും വാളും മൃതിയും വന്നാലും
ആവതല്ലൊരു നാളുംഹാ!
നിൻതിരുനാമം എന്നാളുമടിയൻ
പാടിപ്പുകഴ്ത്തിടുമേ ഹാ പാടിപ്പുകഴ്ത്തിടുമേ
നിൻതിരുമുഖം ഞാൻ കണ്ടിടുമൊരുനാൾ
ഹല്ലേലുയ്യാ ആമേൻ ഹാ!
