യേശുവെ മാത്രം സ്നേഹിക്കും ഞാൻ
യേശുവെ മാത്രം ജീവിക്കും ഞാൻ
യേശുവിൻ നാമം കീർത്തിക്കും ഞാൻ
യേശുവിനായി പാടിടും ഞാൻ
യേശു എൻജീവൻ എൻരക്ഷയും
യേശു എൻനിത്യ നിക്ഷേപവും
യേശു ഈയെന്നെ സ്നേഹിച്ചല്ലോ
ക്രൂശിൽ സ്വജീവൻ വെച്ചുവല്ലോ !
നാശ മൺപാത്രമാമെനിക്കു
ശാശ്വതഭാഗ്യം തന്നുവല്ലോ!
ലോകസൗഭാഗ്യം തേടിയിനി
പോകുകയില്ല നിർണ്ണയമായ്
മാമക ജീവൻ പോവോളവും
മാ മഹൽസ്നേഹം ഘോഷിക്കും ഞാൻ
യേശുവിൻ സൗമ്യ ഭാവമെന്നിൽ
എന്നും വിളങ്ങി ശോഭിക്കുവാൻ
എന്നാത്മ ദേഹം ദേഹിയേയും
മുറ്റുംസമർപ്പിച്ചിടുന്നു ഞാൻ.
