വിശ്വാസക്കണ്ണുകളാല്‍ കാണുന്നു ഞാന്‍
യേശു ഒരുക്കുന്ന എന്‍ ഭവനം
കഷ്ടതയില്ല കണ്ണുനീരുമില്ല
നിത‍്യാനന്ദം തരും സീയോന്‍ ദേശം
എന്‍ നോട്ടം ലോകത്തിന്‍ മാനമല്ല
സ്വര്‍ഗ്ഗേ ലഭിക്കുന്ന മാന‍്യതയില്‍
ഈ ലോകം നല്‍കുന്ന പേരിലല്ല
ജീവപുസ്തകത്തിലെ പേരിലല്ലോ
അതു പ്രാപിക്കും ഞാന്‍ എന്‍ വീട്ടില്‍
ചേരും ഞാന്‍ യേശുവിന്‍ കൂടെ വാഴും ഞാന്‍
എന്‍ നോട്ടം ലോകത്തിന്‍ മോഹമല്ല
സ്വര്‍ഗ്ഗത്തിന്‍ നിത‍്യസൗഭാഗ‍്യമതില്‍
ഈ ലോകം ഒരുക്കും സൗധങ്ങളിലല്ല
കര്‍ത്താവൊരുക്കും മണിമാളികയില്‍
അതു പ്രാപിക്കും ഞാന്‍ എന്‍ വീട്ടില്‍
ചേരും ഞാന്‍ യേശുവിന്‍ കൂടെ വാഴും ഞാന്‍
എന്‍ നോട്ടം ഇവിടെ വിശ്രമമല്ല
ഈ ലോകം തരുന്ന സുഖവുമല്ല
വിശ്രമം അക്കരെനാട്ടിലല്ലോ
അവിടെ ഞാന്‍ ആനന്ദിച്ചാര്‍ക്കുമല്ലോ
അതു പ്രാപിക്കും ഞാന്‍ എന്‍ വീട്ടില്‍
ചേരും ഞാന്‍ യേശുവിന്‍ കൂടെ വാഴും ഞാന്‍
Audio file
60 വിശ്വാസക്കണ്ണുകളാല്‍ കാണുന്നു ഞാന്‍ (RSV)
