വചനം വചനം തിരുവചനം
മാനവഹൃദയങ്ങൾക്കാനന്ദമേകുന്ന
വചനം തിരുവചനം
ആദിയിൽ വചനമുണ്ടായിരുന്നു
ആ വചനം ദൈവമായിരുന്നു
കൃപയും സത്യവും നിറഞ്ഞൊരീ വചനം
ജഡമെടുത്തിഹെ വന്നു മന്നവനായ്
പാതയ്ക്കു ദീപമാമീവചനം
പാരിൽ നല്ലൊളി ഈ വചനം
പാതയറിയാത്ത പഥികനെന്നും
പരിപാലനമേകും തിരുവചനം
കാരിരുളേറുമീ ജീവിത പാതയിൽ
വാടിത്തളരും വേളകളിൽ
എന്നാശ്വാസമായെന്നേക്കും ധ്യാനിക്കും
എന്നും മാറാത്ത തിരുവചനം.
