വന്നു കേൾപ്പിൻ സ്നേഹിതരേ!
ദൈവത്തിന്റെ വചനം
ഇന്നു ഞങ്ങൾ ഘോഷിക്കുന്ന
രക്ഷയിൻ വിളംബരം
നാശപാത്രരായവർക്കു
രക്ഷയിൻ നൽദൂതിനെ
നൽകുവാനായ് ഞങ്ങൾ വന്നു
യേശുവിന്റെ നാമത്തിൽ
കേട്ടുകൊൾവിൻ കേട്ടുകൊൾവിൻ
ദിവ്യദൂതു സാദരം
കേട്ടു നിങ്ങൾ വിശ്വസിച്ചുകൊൾ-
വിനെന്നാൽ ജീവിക്കും
ലോകമെല്ലാം ലാഭമാക്കി
ദേഹിയെ കെടുക്കുകിൽ
ശോകമല്ലാതെന്തു ലാഭമുണ്ടു
ലഭ്യമാകുവാൻ
സ്വന്തരക്ഷ തേടിടാതെ
ഹന്ത! ജീവിച്ചിടുകിൽ
എന്തരിഷ്ടരായ് ഭവിക്കും
അന്ത്യവിധിനാളിങ്കൽ
ഇത്രവല്യ ഇത്രവല്യ രക്ഷയെ
നിഷേധിച്ചാൽ
കർത്തൻ വിധിചൊല്ലും നാളി-
ലെങ്ങനെയൊഴിഞ്ഞു പോം?
ഇക്ഷണത്തിൽ ഇക്ഷണത്തിൽ
രക്ഷകന്റെ പാദത്തിൽ
പക്ഷമോടണഞ്ഞു വന്നു
രക്ഷപ്രാപിച്ചിടുവിൻ.
