ജീവനും നിത്യ സൗഖ്യവും
ഏവനും ദാനമായ് നൽകിയ
താതസുതാത്മൻ വന്ദനം
മാനവും, ധനവും, മഹത്വവും
ജീവിതപാതയിൽ വെളിച്ചമായ്
യേശു മഹോന്നതൻ മാത്രമേ
ഈ മഹാനാഥനെ സേവിക്കാൻ
ഭാഗ്യം ലഭിച്ചോർ നാം ധന്യരാം
കാരുണ്യ കാരണൻ മരിസുതൻ
താരവും തിങ്കളും സ്ഥാപിച്ചോൻ
താങ്ങി നടത്തിടും തീർച്ചയായ്
തൻ നാമമെന്നും മഹോന്നതം
അംബരേ വന്നിടും തമ്പുരാൻ
തംബുരു മീട്ടിടാം ഭക്തരേ
ഇമ്പമായീശനെ വാഴ്ത്തിടാം
തുമ്പങ്ങളെല്ലാം താൻ തീർത്തിടും
